நவராத்திரி நாயகியான அம்பிகை நவரச நாயகியும்கூட. அவள் வெளிப்படுத்திய ஒன்பது உணர்வுகள்...

அம்பாள் தவக்கோலத்தில் சிவனை பூஜிக்கும் போது சாந்தம் உள்ளவளாக இருக்கிறாள். சிவநிந்தை புரியும் தீயவர்களைக் கண்டால் வெறுக்கிறாள். அசுரர்களை வதம் செய்யும்பொழுது வீரத்துடன் போர் புரிந்து வெற்றி கொள்கிறாள். சிவன் சுடலையாண்டிகை இடுகாட்டில் நள்ளிரவில், நடனமாடுவதைக் கண்டால், மென்மையாய் பயம் கொள்கிறாள். அசுரர்களிடமிருந்து உயிர்களைக் காக்க ஆவேசத்துடன் கோபம் கொண்டு எழுகிறாள். பாற்கடலில் உண்டான நஞ்சை ஏற்ற சிவனின் செயலைக் கண்டு ஆச்சர்யம் அடைகிறாள்.

சிவனின் உடலில் சரிபாதி அளித்து அர்த்த நாரீஸ்வரராகக் காட்சியளித்தபோது சிருங்காரம் எனும் காதல் சுவையுடன் இறைவனுடன் மகிழ்ந்தாள். கனிக்காகப் போட்டியிட்டு அம்மையப்பரே உலகம் என்று வலம் வந்த கணபதியைக் கண்டு ஹாஸ்யத்துடன் சிரித்தாள். இரக்கத்துடன் உயிர்களைக் காக்க வரும் போது கருணை முகிலாக அருள்மழை பொழிகிறாள்.