திருவண்ணாமலை: திருவண்ணாமலை அருணாச்சலேஸ்வரர் கோவிலில் கும்பாபிஷேக விழாவில், ராஜகோபுரம் அருகே உள்ள கம்பத்திளையனார்(முருகர்), பெரிய நந்தி பெருமாள், மற்றும் கல்யாணசுந்தரேசர் உள்பட பரிவார மூர்த்திகளுக்கு காலை கும்பாபிஷேகம் நடந்தது.

திருவண்ணாமலை அருணாசலேஸ்வரர் கோவில் கும்பாபிஷேக விழாவில், இன்று (பிப்., 2) பரிவார மூர்த்திகளுக்கு, காலை, 9:00 முதல், 10:30 மணிக்குள் மீன லக்னத்தில் கும்பாபிஷேகம் நடந்தது. இதில் சிவாச்சார்யார் விமான கசலத்திற்கு புனிதநீரை ஊற்றினார். ஏராளமான பக்தர்கள் ஸ்வாமி தரிசனம் செய்தனர். வரும், 6ல், அருணாசலேஸ்வரர், உண்ணாமுலையம்மன் மற்றும், ஒன்பது கோபுரங்களுக்கு கும்பாபிஷேகம் நடத்தப்பட உள்ளது.