காரைக்குடி: குன்றக்குடி சண்முகநாத பெருமான் தைப்பூச திருவிழா தேரோட்டம் நேற்று நடந்தது. குன்றக்குடி சண்முகநாத பெருமான் கோயில் தைப்பூச விழா கடந்த 31-ம் தேதி கொடியேற்றத்துடன் தொடங்கியது. விழா நாட்களில் இரவு 8:00 மணிக்கு சுவாமி வீதி உலா வந்து பக்தர்களுக்கு அருள்பாலித்தார். கடந்த 5-ம் தேதி தங்க ரதத்திலும், 7-ம் தேதி வெள்ளி ரதத்திலும் சுவாமி வீதி உலா நடந்தது. விழாவின் முக்கிய நிகழ்ச்சியான தேரோட்டம் நேற்று நடந்தது. முன்னதாக காலை 5:30 மணிக்கு சுவாமி திருத்தேருக்கு வள்ளி, தெய்வானையுடன் எழுந்தருளும் நிகழ்ச்சி நடந்தது. மாலை 4:30 மணிக்கு பக்தர்கள் அரோகரா கோஷம் முழங்க தேரோட்டம் நடந்தது. பொன்னம்பல அடிகள் தொடங்கி வைத்தார்.