பழநி: ஆக.,7ல் சந்திர கிரகணத்தை முன்னிட்டு, பழநி முருகன் கோயில் நடை இரவு 9:15 மணிக்கு சாத்தப்படுகிறது. சந்திர கிரகணத்தையொட்டி இரவு 8 மணி ராக்கால பூஜைக்குப் பின், சரியாக 9:15 மணிக்கு மலைக்கோயில் நடை சாத்தப்படும். தொடர்ந்து ஆக.,8ல் அதிகாலை 4 மணிக்கு உட்பிரகாரம், பாரவேல் மண்டபம், வெளிப்பிரகாரம், மகாமண்டபம் சுத்தம் செய்யப்படுகிறது. சம்ரோக்ஷன பூஜை, சிறப்பு யாக பூஜைகள் செய்து, காலை 6 மணிக்கு நடைதிறக்கப்பட்டு விஸ்வரூப தரிசனம் நடக்கும். பெரியநாயகியம்மன் கோயில், திருஆவினன்குடி கோயில் உள்ளிட்ட உபகோயில்களிலும் சந்திர கிரகணத்தை முன்னிட்டு இரவு 9 மணிக்கு நடைசாத்தப்பட்டு, மறுநாள் (ஆக.,8) காலை 6 மணிக்கு நடைதிறக்கப்படும்.