திண்டுக்கல், திண்டுக்கல்லில் விநாயகர் சதுர்த்தியை முன்னிட்டு களிமண் விநாயகர் சிலைகள் தயாரிக்கும் பணி மும்முரமாக நடக்கிறது. வேடப்பட்டி அருகே களிமண்ணில் விநாயகர் சிலைகள் தயாரித்து விற்பனை செய்கின்றனர். அரை அடி முதல் 3 அடி வரை சிலைகள் தயார் செய்கின்றனர். இங்கிருந்து சேலம், உடுமலைப்பேட்டை, திருச்சிக்கு அதிகம் விற்பனைக்கு அனுப்பப்படுகின்றன. இயற்கையான வண்ணங்கள் பூசி, ரூ.100 முதல் ரூ.500 வரைக்கும் விற்கின்றனர். தேவைக்கு ஏற்ப ஆர்டருக்கும் செய்து தருகின்றனர். இன்னும் 3 வாரங்களே இருப்பதால், விநாயகர் சிலைகள் தயாரிக்கும் பணி மும்முரமாக நடக்கிறது. வியாபாரி அய்யப்பன் கூறுகையில், தண்ணீர் பற்றாக்குறையால் விலைக்கு தண்ணீர் வாங்கி சிலைகள் செய்கிறோம். களிமண்ணால் செய்வதால் தண்ணீரில் கரைக்கையில் மாசு ஏற்படாது. மேலும், இயற்கை வண்ணங்களை மட்டுமே பயன்படுத்துகிறோம், என்றார்.