பதிவு செய்த நாள்
21
டிச
2017
01:12
ஈரோடு: ஈரோட்டின், பிரசித்தி பெற்ற மாரியம்மன் கோவில்களில் ஒன்றான, வீரப்பன்சத்திரம் மாரியம்மன் கோவில், பொங்கல் திருவிழா நேற்று முன்தினம் இரவு பூச்சாட்டுதல், கம்பம் நடும் விழாவுடன் தொடங்கியது. கோவில் பூசாரிகள், ஊர் தெப்பக்குளம் முன்பிருந்து, ஊர்வலமாக எடுத்து வந்த கம்பத்தை, கோவில் ஊஞ்சல் முன்பு நட்டு சிறப்பு பூஜை செய்தனர். நேற்று ஏராளமான பெண்கள், மஞ்சள், வேப்பிலை கலந்த தீர்த்தநீரை கம்பத்துக்கு ஊற்றி வணங்கி வழிபட்டனர். வரும், 26ல் தீர்த்த ஊர்வலம், 27ல், பொங்கல் மாவிளக்கு, 28 ல், கம்பம் பிடுங்குதல், மஞ்சள் நீராட்டு, அம்மன் திருவீதியுலா, நடக்கிறது. 29ல் மறு பூஜையுடன் விழா நிறைவு பெறுகிறது.