ஜூலை 27ல் சந்திரகிரகணம் ராமேஸ்வரம் கோயில் நடை அடைப்பு
எழுத்தின் அளவு:
பதிவு செய்த நாள்
11ஜூலை 2018 11:07
ராமேஸ்வரம்: ஜூலை 27 ல் சந்திரகிரகணத்தையொட்டி, ராமேஸ்வரம் ராமநாதசுவாமி கோயிலில் இரவு நடை சாத்தப்படும், என கோயில் இணை ஆணையர் தெரிவித்தார்.ஜூலை 27 ல் இரவு 11:54 முதல் மறுநாள் (ஜூலை 28) அதிகாலை 3:49 மணி வரை சந்திரகிரகணம் ஏற்படுகிறது. ராமேஸ்வரம்கோயிலில் அன்று மாலை 5:00 மணிக்கு பர்வதவர்த்தினி அம்மன் தங்கபல்லக்கில் புறப்பாடாகியதும், இரவு 7:30 மணிக்கு கோயில் நடைசாத்தப்படும். அன்று இரவு 12:40 மணிக்கு கோயிலில் இருந்து தீர்த்தவாரி சுவாமி புறப்பாடாகி அக்னி தீர்த்த கரையில் எழுந்தருள்வார். பின் அன்று இரவு 1:52 மணிக்கு அக்னி தீர்த்த கடலில் தீர்த்த வாரி நடக்கும்.மறுநாள் (ஜூலை 28) காலை 4:00 மணிக்கு கோயில் நடை திறந்து கிரகண அபிேஷகம் நடைபெறும். தொடர்ந்து அர்த்த ஜாம பூஜை நடக்கும். இதன்பிறகு வழக்கம் போல் ஸ்படிக லிங்கம், கால பூஜைகள் நடக்கும் என கோயில் இணை ஆணையர் மங்கையர்கரசி தெரிவித்தார்.