நடுவீரப்பட்டு: நடுவீரப்பட்டு பிரத்தியங்கரா தேவிக்கு ஐப்பசி மாத அமாவாசையை முன்னிட்டு நிகும்பலா யாகம் நடந்தது.அதனையொட்டி, நேற்று (நவம்., 7ல்), மதியம் 12:00 மணிக்கு கலச
ஸ்தாபனம் செய்யப்பட்டு, யாக வேள்விகள் துவங்கியது. மதியம் 1:00 மணிக்கு யாகத்தில் மிளகாய் வற்றல்கள் கொட்டப்பட்டு நிகும்பலா யாகம் நடந்தது.

அதனைத் தொடர்ந்து யாகவேள்வியில் வைக்கப்பட்ட கலசம் கோயில் உலாவாக வந்து பிரத்தியங்கரா தேவிக்கு கலச அபிஷேகம் நடந்தது.மதியம் 1:45 மணிக்கு பாதாள காளிக்கு சிறப்பு அபிஷேக ஆராதனை நடந்தது. தொடர்ந்து 2:00 மணிக்கு மகா தீபாராதனை நடந்தது.
விழாவில் ஏராளமான பக்தர்கள் சுவாமி தரிசனம் செய்தனர்.