சூலூர்: கருமத்தம்பட்டி சென்னியாண்டவர் கோவிலில், சூரசம்ஹார விழா வரும், 13ம் தேதி நடக்கிறது.சூலூர் அடுத்த, கருமத்தம்பட்டி சென்னியாண்டவர் கோவில் மிகவும் பிரசித்தி
பெற்றது.

இங்கு, கந்த சஷ்டி விழா இன்று (நவம்., 8ல்) காலை, 4:30 மணிக்கு கணபதி ஹோமத்துடன் துவங்குகிறது. காலை, 9:00 மணிக்கு, காப்பு கட்டுதல், சத்ரு சம்ஹார ஹோமம் துவங்குகிறது.
தினமும், காலை, 11:00 மணிக்கு அபிஷேகம் மற்றும் அலங்கார தீபாராதனை நடக்கின்றன. வரும், 13ம் தேதி காலை, 11:00 மணிக்கு அபிஷேகம்ம், தீபாராதனை முடிந்து, மாலை, 4:30
மணிக்கு வேல் வாங்கும் உற்சவம் நடைபெறும்.

இரவு, 7:00 மணிக்கு சூரசம்ஹாரம் நடக்கிறது. 14ம் தேதி காலை, 10:30 மணிக்கு தெய்வானை திருக்கல்யாணம் மற்றும் மகா தீபாராதனை நடைபெற உள்ளது. கோவில் நிர்வாகத்தினர் விழா ஏற்பாடுகளை செய்து வருகின்றனர்.