கண்டாச்சிபுரம்: கண்டாச்சிபுரம் ராமாநாதீஸ்வரர் கோவில் திருக்கல்யாண மண்டபத்தில் திருவாசக முற்றோதல் நடைபெற்றது.கண்டாச்சிபுரம் திருவாசக முற்றோதல் குழுவினர் சார்பாக,மாதந்தோறும் திருவாசக முற்றோதல் நடைபெற்று வருகிறது,நேற்று (ஜன., 13ல்) நடைபெற்ற முற்றோதல் நிகழ்ச்சிக்கு,ஓதுவார் பழனியாண்டி தலைமை தாங்கினார்.

ஓதுவார்கள் சந்நியாசி, பார்த்திபன் ஆகியோர் முன்னிலை வகித்தனர்.காலை 8 மணிமுதல் பிற்பகல் வரை கோவில் திருக்கல்யாண மண்டபத்தில் திருவாசக முற்றோதல் நடைபெற்றது. இதில் ஆறுமுகம்,கணேசன்,கல்யாணசுந்தரம் உட்பட ஓதுவார்கள் பலர் கலந்துகொண்டு தேவார,திருவாசகப் பதிகங்களைப் பாடினர்.பின்னர் இறைவழிபாடு நடைபெற்றது.இதில் ஏராளமான பக்தர்கள் கலந்துகொண்டனர்.இதற்கான ஏற்பாடுகளை திருவாசக முற்றோதல் குழுவினர் செய்திருந்தனர்.