பழநி: தைப்பூச விழாவை முன்னிட்டு, பழநி முருகன் கோயிலுக்கு பாதயாத்திரை பக்தர்களின் வருகை அதிகரித்துள்ளது. நேற்று பொங்கல் பண்டிகை என்பதால் கோயில் தங்கும் விடுதிகள், தனியார் லாட்ஜ்கள் நிரம்பின.மலைக்கோயிலில் பக்தர்கள் பால்குடங்கள் மற்றும் காவடிகள் எடுத்து ஆட்டம் பாட்டத்துடன் வெளிப்பிரகாரத்தை வலம் வந்து நேர்த்திக்கடன் செலுத்தினர். ரோப்கார், வின்ச் ஸ்டேஷனில் மூன்று மணிநேரம் வரை காத்திருந்து பக்தர்கள் மலைக்கோயில் சென்றனர். அங்கு வெளிப்பிரகாரம் வரை திரண்ட பக்தர்கள் நான்கு மணி நேரத்திற்கு மேல் காத்திருந்து மூலவரை தரிசனம் செய்தனர். தங்கரதப் புறப்பாட்டிலும் ஏராளமான பக்தர்கள் பங்கேற்றனர். இடும்பன் குளத்தில் நீராட திரளான பக்தர்கள் குவிந்தனர்.