14ம் தேதி வியாழக்கிழமை காலை 7.௦௦ மணிக்கு அக்னிமதனம், அக்னி பிரணயனம், கும்ப ஆவாஹனம், ஜபம், சாற்றுமுறை, லட்சார்ச்சனை, மாலை ஸ்ரீராம தைவத்ய காயத்திரி மூலமந்திர ஹோமம் நடக்கிறது. 15ம் தேதி வெள்ளிக்கிழமை காலை 7.௦௦ மணிக்கு புண்யாஹவாசனம், பஞ்சஸூக்த ஹோமம், ஜபம், பூர்ணாஹூதி, சாற்றுமுறை, லட்சார்ச்சனை நடக்கிறது. 16ம் தேதி காலை 7.௦௦ மணிக்கு ஸ்ரீராமநவமி உற்சவம் புண்யாஹவாசனம், காலசாந்தி விசேஷ மூலமந்திர ஹோமம், திருவாராதனம், லட்சார்ச்சனை நடக்கிறது.

8.45 மணிக்கு ராமர் மற்றும் 36 அடி உயர விஸ்வரூப பஞ்சமுக ஸ்ரீ ஆஞ்ஜநேயர் சுவாமிக்கு பால், பன்னீர், சந்தனம், மஞ்சள் ஆகிய மங்கள திரவியங்களால் அபிஷேகம் நடக்கிறது. அதை தொடர்ந்து, ராமர், ஆஞ்ஜநேயர் சுவாமி அலங்கரிக்கப்பட்டு, சிறப்பு மகா தீபாராதனை நடக்கிறது. மாலை 4.30 மணிக்கு சீதாராம திருக்கல்யாண உற்சவம் நடக்கிறது. சனிக்கிழமை காலை 9.30 மணிக்கு ரேவதி கிருஷ்ணா மற்றும் குழுவினரின் வீணையில் பக்தி இன்னிசை நிகழ்ச்சி நடக்கிறது. ஸ்ரீராமநவமி உற்சவத்தில் பக்தர்கள் கலந்து கொண்டு ஆஞ்ஜநேய சுவாமியின் அருளைப் பெறுமாறு ஸ்ரீஜெமாருதி சேவா டிரஸ்டியினர், தலைவர் மற்றும் நிர்வாக அறங்காவலர் கோதண்டராமன் தெரிவித்துள்ளார்.