பேரூர்:பேரூர் பட்டீஸ்வரர் கோவிலில், பங்குனி உத்திரத் தேர்த்திருவிழா நாளை (மார்ச்., 19ல்) நடக்கிறது; தேர்கள் அலங்கரிக்கப்பட்டு, தயார் நிலையில் உள்ளன.

பேரூர் பட்டீஸ்வரர் கோவிலில் பங்குனி உத்திரத் தேர்த்திருவிழா, ஆண்டுதோறும் கோலா கலமாக கொண்டாடப்படுகிறது. நடப்பாண்டுக்கான தேர்த்திருவிழா கடந்த, 11ல் வாஸ்து சாந்தி பூஜையுடன் துவங்கியது; 12ல் கொடியேற்றம் நடந்தது.தொடர்ந்து, பஞ்சமூர்த்திகள் வீதியுலா, மாலை, 5:30க்கு யாகசாலை பூஜை, மலர் பல்லக்கு அதிமூர்க்கம்மன் வீதியுலா நடந்தது. நாளை (மார்ச்., 19ல்) காலை, 10:00க்கு தேருக்கு சுவாமி எழுந்தருளல் நடக்கிறது. மாலை, 3:30க்கு தேர் வடம்பிடிக்கும் நிகழ்ச்சி நடக்கிறது; தேர்கள் அலங்கரிக்கப்பட்டு தயார் நிலையில் நிறுத்தப் பட்டுள்ளன.