ஊட்டி : ஊட்டி அருகே மேல்கவ்வட்டி கிராமத்தில் சத்ய சாய் சேவா அமைப்பு சார்பில், கிராம சேவா நிகழ்ச்சி நடந்தது. நேற்று 31ல், காலை துவங்கிய நிகழ்ச்சியில், முன்னதாக, கோ பூஜை நிகழ்ச்சி நடந்தது. தொடர்ந்து, கிராமங்களில் சுகாதார பணி மேற்கொள்ளப்பட்டது. சிறப்பு மருத்துவ முகாமில், டாக்டர்கள் ராமன், சதீஷ், அபூர்வா உள்ளிட்ட குழுவினர், சர்க்கரை, ரத்த அழுத்தம், ஆகியவை குறித்து, கிராம மக்களுக்கு இலவச பரிசோதனை செய்தனர்.

சிகிச்சையின் போது, மருந்து, மாத்திரைகள் வழங்கப்பட்டன. பின்பு நடந்த பஜனை நிகழ்ச்சியில் திரளானவர்கள் பங்கேற்றனர். மதியம் அன்னதானம் வழங்கப்பட்டது. சத்ய சாய் சேவா அமைப் பின் மாவட்ட தலைவர் ராமு, ஒருங்கிணைப்பாளர் நந்தகுமார், ஊர் தலைவர் பாலகுமார் உட்பட பலர் பங்கேற்றனர்.