திருவள்ளூர் : பங்குனி பிரம்மோற்ஸவத்தின் மூன்றாவது நாளான நேற்று, தீர்த்தீஸ்வரர், பூத வாகனத்தில் பக்தர்களுக்கு அருள்பாலித்தார்.

திருவள்ளூர், தீர்த்தீஸ்வரர் கோவிலில் பங்குனி பிரம்மோற்சவம், 30ம் தேதி கொடியேற்றத்துடன் துவங்கியது. காலை, மாலை உற்சவர் பல்வேறு அலங்காரத்தில் எழுந்தருளி பக்தர்களுக்கு அருள்பாலித்து வருகிறார்.உற்சவத்தின் மூன்றாவது நாளான நேற்று காலை, தீர்த்தீஸ்வரர், திரிபுர சுந்தர சமேதரராக, பூத வாகனத்தில் எழுந்தருளினார். மாலை, அதிகார நந்தி சேவை நடந்தது. இதில், ஏராளமான பக்தர்கள் பங்கேற்றனர்.இன்று, நாக வாகனம், சந்திரபிரபை; நாளை, மயில் வாகனம், ரிஷப வாகனத்தில் உற்சவர் அருள்பாலிக்கிறார்.வரும், 6ம் தேதி, திருக்கல்யாண உற்சவம்; மறுநாள் புஷ்பபல்லக்கு, 8ம் தேதி, ராவனேஸ்வர வாகன உற்சவம் நடக்கிறது. விழாக் காலத்தில், காலை, மாலை வேதபாராயணம் நடைபெறுகிறது.