காஞ்சிபுரம்: ஏகாம்பரநாதர் கோவிலில், ஆறாம் ஆண்டு புஷ்ப பல்லக்கு, வரும், 8ல் நடைபெறுகிறது. காஞ்சிபுரம் ஏகாம்பரநாதர் கோவிலில், ஆண்டுதோறும் விடையாற்றி உற்சவத்தை முன்னிட்டு, புஷ்ப பல்லக்கில், சுவாமி அம்பாள் வீதியுலா நடைபெறும்.

அதன்படி, ஆறாம் ஆண்டு புஷ்ப பல்லக்கு சுவாமி அம்பாள் வீதியுலா, ஏப்., 8ல் இரவு, 7:00 மணிக்கு நடைபெறுகிறது.இதில், ஏலவார்குழலி அம்பிகையுடன், ஏகாம்பரர் புஷ்ப பல்லக்கில் எழுந்தருளி, நான்கு ராஜ வீதிகளிலும் வீதியுலா வருகிறார். காமாட்சி அம்மன் கோவில் அருகில் சிறப்பு மண்டபகபடி நடக்கிறது.