உடுமலை:குடிமங்கலம் ஒன்றியம் சோமவாரப்பட்டி அம்மாபட்டியில், பழமையான பொம்மைய சாமி கோவில், புனரமைக்கப்பட்டு, கும்பாபிஷேக விழா, நேற்று (ஏப்., 9ல்) துவங்கியது. மாலை 4:30 மணிக்கு, புனித தீர்த்தங்கள் அழைத்து வருதல் நிகழ்ச்சியும், இரவு 7:00 மணி முதல் கணபதி பூஜை, திக்பாலர் பூஜை உட்பட பூஜைகள் நடந்தன.

விழாவில் இன்று (10ம் தேதி), காலை 5:30 மணி முதல் தன்வந்திரி ஹோமம், காலை 7:30 மணி முதல் பொம்மையசாமி மூலமந்திரம் ஓதுதல் நிகழ்வும், காலை 9:15 மணி முதல் தீர்த்த கலசங்கள் புறப்பாடு மற்றும் மகாகும்பாபிஷேகம் நடக்கிறது. காலை 11:00 மணிக்கு மேல், தம்புரான் மாட்டுடன் தேவநத்தம் எடுத்து வருதல், பொங்கல் வைத்தல் நிகழ்ச்சி நடக்க உள்ளது. விழாவுக்கான ஏற்பாடுகளை விழாக்குழுவினர் செய்து வருகின்றனர்.