செஞ்சி:செத்தவரை மீனாட்சி உடனுறை சொக்கநாதர் கோவிலில் சித்திரை பெருவிழா இன்று (ஏப்., 10ல்) கொடியேற்றத்துடன் துவங்குகிறது.

செஞ்சி தாலுகா செத்தவரை-நல்லாண்பிள்ளை பெற்றாள் கிராமத்தில் உள்ள மீனாட்சி உடனுறை சொக்கநாதர் கோவிலில் 10 நாட்கள் நடைபெறும் சித்திரை பிரம்மோற்சவ பெருவிழா இன்று (10ம் தேதி) கொடியேற்றத்துடன் துவங்குகிறது.

இதை முன்னிட்டு அதிகாலை 4.30 மணி முதல் 6 மணிக்குள் சிவஜோதிமோனசித்தர் தலைமையில் கொடியேற்றமும், மாலை 3 மணிக்கு சொக்கநாதர். மீனாட்சியம்மனுக்கு சிறப்பு அபிஷேகம் மற்றும் அலங்காரமும், உற்சவர் விழாவும் நடக்க உள்ளது. தொடர்ந்து 11ம் தேதி முதல் 18ம் தேதி வரை சிறப்பு அபிஷேக, அலங்காரம், உற்சவமும் நடக்கிறது. 19ம் தேதி காலை 11 மணிக்கு திருக்கல்யாண உற்சவம்நடக்க உள்ளது.