சென்னை: சைதாப்பேட்டை காரணீஸ்வரர் கோவிலில் சித்திரை மாத பெருவிழா கொடியேற்றத்துடன் கோலாகலமாக துவங்கியது.

சென்னை, சைதாப்பேட்டை, சொர்ணாம்பிகை உடனுறை காரணீஸ்வரர் கோவிலில், ஆண்டுதோறும் சித்திரை மாத பெருவிழா வெகு விமர்சையாக கொண்டாடப்படுகிறது. இந்தாண்டிற்கான விழா, இன்று (10ம் தேதி) காலை கொடியேற்றத்துடன் துவங்கியது. விழாவை முன்னிட்டு, சுவாமி அம்மனுடன் சிறப்பு அலங்காரத்தில் பக்தர்களுக்கு அருள்பாலித்தார். ஏராளமான பக்தர்கள் தரிசனம் செய்தனர்.