சிங்கம்புணரி: சிங்கம்புணரி ஐயப்பன் கோயிலில் வருடாபிஷேகம் மற்றும் 1008 சங்காபிஷேகம் நடந்தது. இதையொட்டி ஏப். 9 ம் தேதி மாலை 5:00 மணிக்கு யாகசாலை பூஜை துவங்கியது. திருமறை, அனுக்ஞை, கணபதி பூஜை, நவக்கிரக பூஜை நடத்தப்பட்டது. ஏப். 10 ம் தேதி காலை 7:00 மணிக்கு இரண்டாம் கால யாக பூஜை தொடங்கியது. 9:15 மணிக்கு மஹா அபிஷேகமும் 1008 சங்காபிஷேகமும் நடந்தது. தொடர்ந்து கலச அபிஷேகம், தீபாராதனை நடந்தது. இதில் ஏராளமான பக்தர்கள் பங்கேற்றனர். விழாவிற்கான ஏற்பாடுகளை ஐயப்பன் கோயில் அறக்கட்டளை நிர்வாகக்குழுவினர் செய்திருந்தனர்.