ராமேஸ்வரம்:தமிழகத்தில் உள்ள முக்கிய இந்து அறநிலையத்துறை கோயில்களில் பக்தர்கள் வசதிக்காக கட்டண பேட்டரி கார் இயக்கப்பட்டது.

இப்பேட்டரி காரின் டிரைவர்கள் ராமேஸ்வரம் உள்ளிட்ட பல கோயில்களில் நிர்ணயித்த கட்டணத்தை விட பக்தரிடம் கூடுதல் கட்டணம் வசூலிப்பதாக புகார் எழுந்தது. இதனால் பக்தர்கள் பாதித்ததால் பேட்டரி காரை இலவசமாக இயக்க இந்து அமைப்பினர் கோரிக்கை விடுத்தனர். இதனையடுத்து கோயில் சார்பில் இயங்கும் அனைத்து பேட்டரி கார்களும் கட்டணமின்றி இலவசமாக இயக்க இந்து அறநிலையத்துறை ஆணையர் உத்தரவிட்டார். அதன்படி நேற்று 15ல், ராமேஸ்வரம் திருக்கோயில் நான்கு ரதவீதியில் சுற்றி வந்த 3 பேட்டரி காரில் இலவசம் எனும் ஸ்டிக்கர் பொருத்தி, பக்தரிடம் கட்டணம் வசூலிக்காமல் ரதவீதியில் சுற்றி வந்தது. கட்டணமில்லாத கோயில் பேட்டரி கார் சேவையை பக்தர்கள், இந்து அமைப்பினர் வரவேற்றனர்.