வால்பாறை:வால்பாறை சுப்ரமணிய சுவாமி கோவிலில் நடந்த பிரதோஷ  பூஜையில் பக்தர்கள் திரளாக பங்கேற்றனர்.வால்பாறை சுப்ரமணிய சுவாமி  கோவில் சன்னதியில் எழுந்தருளியுள்ள காசிவிஸ்வநாதருக்கு, ஆடி மாத  இரண்டாவது பிரதோஷ பூஜை, நேற்று (ஆக., 12ல்) மாலை, 5:00 மணிக்கு நடந்தது.

பால், தயிர், மஞ்சள், இளநீர், தேன், திருநீறு உள்ளிட்ட, 16 வகையான அபிஷேக பூஜை நடந்தது. மாலை, 6:00 மணிக்கு சிறப்பு அலங்கார வழிபாடு நடந்தது.அதன் பின், ரிஷப வாகனத்தில் சிவபெருமான் தேவியருடன் எழுந்தருளி கோவிலை வலம் வந்து பக்தர்களுக்கு அருள்பாலி த்தார். பூஜையில் கலந்து கொண்ட பக்தர்களுக்கு பிரசாதம் வழங்கப்பட்டது.