கூடலுார் : கூடலுார் மங்குழியில் நடந்த கிருஷ்ண ஜெயந்தி ஊர்வலத்தில்,  குழந்தைகள் கிருஷ்ணர், ராதை வேடமணிந்து பங்கேற்றனர்.

கிருஷ்ண ஜெயந்தியை முன்னிட்டு, கூடலுார் மங்குழி பகவதி அம்மன்  கோவிலில், சேவாபாரதி அமைப்பின் நந்தனம் பாலகோகுலம் சார்பில், கிருஷ்ண  ஜெயந்தி ஊர்வலம் நடந்தது. காலை, 10:30 மணிக்கு கோவிலில் இருந்து  கிருஷ்ண ஜெயந்தி ஊர்வலம் துவங்கியது. ஊர்வலத்தில் சிறுவர், -சிறுமியர்  கிருஷ்ணர், ராதை வேடமணிந்து பங்கேற்றனர். ஊர்வலம் மைசூர் - ஊட்டி தேசிய  நெடுஞ்சாலை வழியாக கூடலுார் விநாயகர் கோவில் சென்று, மீண்டும்  கோவிலை வந்தடைந்தது.இதற்கான ஏற்பாடுகளை மங்குழி சேவா சங்க மகளிர் அமைப்பினர்  செய்திருந் தனர்.