மந்தாரக்குப்பம்: மந்தாரக்குப்பம் வெற்றி விநாயகர் கோவிலில் 26ம் ஆண்டு திருவிளக்கு பூஜை நடந்தது.

வெற்றி விநாயகர் கோவிலில் நேற்று முன்தினம் இரவு சுவாமிக்கு சிறப்பு அலங்காரம் செய்து 1,008 அர்ச்சனை, பஜனை பாடல்கள் பாடி சிறப்பு அபிேஷக ஆராதனை நடந்தது.தொடர்ந்து உலக நன்மை வேண்டி நடந்த திருவிளக்கு பூஜையில் 200 க்கும் மேற்பட்ட பெண்கள் பங்கேற்று வழிபட்டனர்.பக்தர்களுக்கு மஞ்சள், குங்குமம் மற்றும் பிரசாதம், அன்னதானம் வழங்கப்பட்டது. நாளை 6ம் தேதி சுவாமிக்கு 1,008 கொழுக்கட்டையுடன் சிறப்பு அலங்காரம் செய்யப்பட்டு மாலை 6:00 மணியளவில் மலர் அலங்காரத்தில் விநாயகர் வீதியுலா நடக்கிறது. ஏற்பாடுகளை இந்து முன்னணி மற்றும் விழா கமிட்டியினர் செய்து வருகின்றனர்.