காரைக்கால்: காரைக்கால் கயிலாசநாதர் கோவில் நேற்று அன்னதான உண்டியல் திறக்கப்பட்டு காணிக்கை எண்ணும் பணி துவங்கியது.

காரைக்கால் பாரதியார் சாலையில் உள்ள நகர் பகுதியில் கைலாசநாதர், அம்மையர் கோவில்,  நித்யகல்யாணப்பெருமாள், ஆற்றங்கரை விநாயகர், பொய்யாதமுர்த்தி விநாயகர் உள்ளிட்ட 10க்கும் மேற்பட்ட கோவில்களில் பக்தர்கள் அன்னதானம் உள்ளிட்ட காணிக்கை அளிக்க கோவிலில் பல இடங்களில் உண்டியல் வைக்கப்பட்டு உள்ளது. கோவிலில் உண்டியல் நிரம்பியது. இதனால் உண்டியல் எண்ணும் பணி கைலாசநாதர் கோவிலில் நடைபெற்றது. இதில் கோவில் நிர்வாக அதிகாரி சுபாஷ் தலைமையில் அறங்காவலர் குழுவினர் தலைவர் கேசவன்.துணைத் தலைவர் ஆறுமுகம். செயலாளர் பக்கிரிசாமி, பொருளாளர் ரஞ்சன் ஆகியோர் முன்னிலையில் கோவில் ஊழியர்கள் மற்றும் அரசு அதிகாரிகள் காணிக்கை உண்டியல் எண்ணும் பணியில் ஈடுப்பட்டனர்.