நடுவீரப்பட்டு:நடுவீரப்பட்டு, சி.என்.பாளையம் சிவன் கோவில்களில் நேற்று (நவம்., 11ல்) அன்னாபிஷேகம் நடந்தது.

நடுவீரப்பட்டு காமாட்சியம்மன் சமேத கைலாசநாதர், மலையாண்டவர் என்கிற ராஜராஜேஸ் வரி சமேத ராஜராஜேஸ்வரர் ஆகிய கோவில்களில் ஐப்பசி மாத பவுர்ணமியை முன்னிட்டு, அன்னாபிஷேகம் நேற்று (நவம்., 11ல்) நடந்தது.மாலை 5:00 மணிக்கு விநாயகர், ஈஸ்வரர், அம்மன் ஆகிய சுவாமிகளுக்கு சிறப்பு அபிஷேக ஆராதனை நடந்தது. 6:00 மணிக்கு அன்னத் தால் சுவாமிக்கு அலங்காரம் செய்யப்பட்டு 6:45 மணிக்கு மகா தீபாராதனை நடந்தது.

தொடர்ந்து சுவாமிக்கு சாத்தப்பட்ட அன்னம் பிரசாதமாக பக்தர்களுக்கு வழங்கப்பட்டது. விருத்தாசலம்விருத்தாசலம் ஏகநாயகர் கோவிலில் நடந்த அன்னாபிஷேகத்தில் ஆயிரக் கணக்கானோர் கலந்து கொண்டனர்.விருத்தாசலம், கருவேப்பிலங்குறிச்சி சாலையில் உள்ள ஏகநாயகர் கோவிலில், நேற்று (நவம்., 11ல்) காலை 9:00 மணியளவில், விக்னேஸ்வர பூஜை, கலச பூஜை, மகா அபிஷேகம் நடந்தது.

பிற்பகல் 12:00 மணியளவில் அன்னம் சாற்றும் நிகழ்ச்சி துவங்கியது. இரவு 7:00 மணியளவில் அன்னாபிஷேகத்தில் அருள்பாலித்த ஏகநாயகருக்கு சிறப்பு தீபாராதனை நடந்தது. தொடர்ந்து, சுவாமிக்கு சாற்றிய அன்னம், பிரசாதமாக வழங்கப்பட்டது. ஆயிரக்கணக்கானோர் தரிசனம் செய்தனர்.