புதுச்சேரி : புதுச்சேரி சாரதாம்பாள் கோவிலில், மார்கழி மகோத்சவத்தையொட்டி, திருப்பாவை உபன்யாசம் இன்று துவங்குகிறது.

ராமானுஜர் ப்ரபக்தி இயக்கம், மார்கழி மகோத்சவ கமிட்டி சார்பில், 8ம் ஆண்டு மார்கழி மகோத் சவம், நூறடி சாலையில் அமைந்துள்ள சாரதாம்பாள் கோவிலில் இன்று 17ம் தேதி துவங்கி, மார்கழி 30 நாட்களும் நடக்கிறது. மாலை 5:30மணிக்கு வளரும் கலைஞர்களின் இசை அமுதம், மாலை 6:30 மணிக்கு திருக்கோவிலுார் ஜீயர் ஸ்வாமிகளின் சிஷ்யை சாந்தலட்சுமி ராமச் சந்திரனின் ’திருப்பாவை உபன்யாசம்’ நடக்கிறது.முக்கியமாக இன்று (17ம் தேதி) முதல் 25ம் தேதி வரையில் மாலை 7:00 மணி முதல் 9:00 வரையில், தென்திருப்பேரை அரவிந்தலோசநன் சுவாமிகளின் ராமாயண உபன்யாசம் நடக்கிறது.26ம் தேதி முதல், இரவு 7:15 மணி முதல் 9:00 வரையில் 200க்கும் மேற்பட்ட பிரபல இசைக் கலைஞர்களின் இசை, நாட்டியம் மற்றும் நாம சங்கீர்த்தனை நடக்கிறது.