திருப்பூர்: சித்திரை மாத பூசநட்சத்திர தினத்தையொட்டி, திருப்பூரில் நேற்று, வள்ளலார் ஜோதி வழிபாடு நிகழ்ச்சி நடந்தது.திருவருள் ஜோதிட மையம் சார்பில், மாதம் தோறும், பூசம் நட்சத்திர நாளில், வள்ளலார் ஜோதி வழிபாடு நடக்கிறது. அன்றைய தினம், ஏழை, எளிய மக்களுக்கு அன்னதானம் வழங்கப்படும். அதன்படி, திருப்பூர் ஓம்சக்தி கோவில் அருகே உள்ள, திருவருள் ஜோதிட பயிற்சி மையத்தில் நேற்று, ஜோதி வழிபாடு நடந்தது.பேராசிரியர் மீனம் ராஜூ தலைமையில், சமூக இடைவெளியுடன் ஜோதி வழிபாடு நடந்தது. தொடர்ந்து, அவ்வழியாக சென்று, நுாற்றுக்கணக்கான மக்களுக்கு அன்னதானம் வழங்கப்பட்டது.