புதுச்சேரி : அனைத்து மத வழிபாடுகளிலும் அரசு விதிகளை பின்பற்றுங்கள் என கவர்னர் கிரண்பேடி அறிவுறுத்தியுள்ளார். அவர் விடுத்துள்ள வாட்ஸ் ஆப் ஆடியோ:புதுச்சேரியில் வழிபாட்டு தலங்கள் திறக்கப்பட்டுள்ளது. இந்துக்கள், கிறிஸ்துவர்கள், இஸ்லாமியர்கள் அனைவரும் சமூக இடைவெளியை பின்பற்ற வேண்டும்.வழிபாட்டு தலங்களுக்கு செல்லும்போது முககவசம் அணிய வேண்டும். கைகளை சுத்தமாக வைத்துக் கொள்ள வேண்டும்.இஸ்லாமியர்கள் மசூதிக்குச் செல்லும் போது, தொழுகை நடத்த விரிப்புகளை உடன் கொண்டு செல்ல வேண்டும். ஏற்கனவே அமைச்சர் ஷாஜகான், இஸ்லாமிய தலைவர்களுடன் ஆலோசனை நடத்தியுள்ளார். கோவில்களிலும், தேவாலயங்களிலும் பின்பற்ற வேண்டிய வழிமுறைகள் குறித்து அறிவுறுத்தப்பட்டுள்ளது. வழிபாட்டு தலங்களில் குளிர்சாதன வசதி செய்ய வேண்டாம். இவ்வாறு அவர் தெரிவித்துள்ளார்.