வீரபாண்டி: கொரோனா பாதிப்பு நாளுக்கு நாள் அதிகரித்து வருவதை தடுக்க வேண்டி, உலக நன்மைக்கு, காகாபாளையம் அருகே, ராக்கிப்பட்டி, சென்றாய பெருமாள் மலைக்கோவிலில், நேற்று, பிரம்ம முகூர்த்தத்தில், மகா சுதர்சன, தன்வந்திரி சிறப்பு யாகம் நடந்தது. அதில் வைத்து பூஜித்த புனிதநீரால், மலை அடிவாரத்துக்கு அழைத்து வரப்பட்ட உற்சவமூர்த்திகளுக்கு அபி?ஷகம் செய்யப்பட்டது. தொடர்ந்து, ஆண்டு படிபூஜை விழா நடந்தது. இதற்காக, மலைப்படிகள் சுத்தம் செய்யப்பட்டு, மஞ்சள், குங்குமம் பூசி மலர்களால் அலங்கரித்து சிறப்பு பூஜை செய்யப்பட்டது. இதில், பக்தர்கள் அனுமதிக்கப்படாமல், பட்டாச்சாரியார்கள் மட்டும் பங்கேற்றனர்.