சென்னை; பிரசித்தி பெற்ற சிவாலயங்களில் நடைபெறும் பிரதோஷ வழிபாடு, ஆன்-லைன் வாயிலாக நேரலையாக, இன்று ஒளிபரப்பு செய்யப்படுகிறது.

ஊரடங்கு காரணமாக, வழிபாட்டு தலங்களில், சுவாமி தரிசனத்திற்கு, பக்தர்களுக்கு அனுமதி மறுக்கப்பட்டு உள்ளது. இருப்பினும், பக்தர்கள் வசதிக்காக, பிரசித்தி பெற்ற கோவில்களின் நித்திய பூஜைகள், பிரதோஷ வழிபாடு போன்றவை, ஆன்-லைன் வழியாக, நேரலை ஒளிபரப்பு செய்யப்படுகிறது.

சென்னை, திருவொற்றியூர் தியாகராஜ சுவாமி கோவிலில், இன்று நடைபெறும், நந்தியம் பெருமான் அபிஷேகமும், அதைத் தொடர்ந்து நடைபெறும், பிரதோஷ நாயகர் அபிஷேகமும், www.youtube.com/c/ThiagarajaswamyVadivudaiyammanTemple Official என்ற, இணையதள முகவரியில், இன்று மாலை, 4.00 மணிக்கு ஒளிபரப்பு செய்யப்படும். திருவண்ணாமலை, அருணாசலேஸ்வரர் கோவிலின் பிரதோஷ வழிபாடு, இன்று மாலை, 5.00 மணிக்கு, www.youtube.com/c/arunachaleswarar என்ற, இணையதள முகவரியில் ஒளிபரப்பாகிறது.சென்னை, மயிலாப்பூர், கபாலீஸ்வரர் கோவில் பிரதோஷ வழிபாடு, www.youtube.com/c/MYLAPORE KAPALEESWARARTEMPLE என்ற, இணையதளத்தில், இன்று மாலை, 4:30 மணி முதல் நேரலை ஒளிபரப்பு செய்யப்படுகிறது. திருவேற்காடு, வேதபுரீஸ்வரர் கோவில் பிரதோஷ வழிபாடு, www.youtube.com/watch?v=Tkb9h27QkPw என்ற இணையதளத்தில், இன்று மாலை, 4:30 மணி முதல் ஒளிபரப்பாகிறது.