அனுப்பர்பாளையம்:பெருமாநல்லுார் கொண்டத்துக்காளியம்மன் கோவிலில், பக்தர்கள் காணிக்கையாக, 2.53 லட்சம் ரூபாயை செலுத்தி இருந்தனர்.பெருமாநல்லுாரில் புகழ்பெற்ற கொண்டத்துக்காளியம்மன் கோவில் உள்ளது. கோவிலில் உள்ள உண்டியல்களில் காணிக்கை எண்ணும் பணி நேற்று நடைபெற்றது. ஆனைமலை மாசாணியம்மன் கோவில் உதவி ஆணையர் ஆனந்த், ஆய்வாளர் செல்வ பிரியா முன்னிலையில் கோவில் உண்டியல் திறக்கப்பட்டு காணிக்கை எண்ணப்பட்டது.இதில், 2 லட்சத்து 58 ஆயிரத்து 846 ரூபாய், 37.400 மில்லி கிராம் தங்கம், 43.700 மில்லி கிராம வெள்ளி, ஆகியவற்றை பக்தர்கள் காணிக்கையாக செலுத்தியிருந்தனர். செயல் அலுவலர் செல்வம் பெரியசாமி மற்றும் தக்கார், கோவில் பணியாளர்கள் பங்கேற்றனர்.