புதுச்சேரி: சூரிய கிரகணத்தை முன்னிட்டு, மணக்குள விநாயகர் கோவில் நாளை மறுநாள் காலையில் மூடப்படுகிறது. இதுகுறித்து, கோவில் நிர்வாக அதிகாரி வெங்கடேசன் கூறியதாவது: சூரிய கிரகணம் நாளை மறுநாள் (21ம் தேதி) நிகழ்கிறது. கிரகணத்தை முன்னிட்டு, சுவாமிக்கு காலை 6:00 மணிக்கு நடக்கும் பூஜையை தொடர்ந்து மணக்குள விநாயகர் கோவில் நடை மூடப்படும். காலையில் பக்தர்கள் தரிசனம் ரத்து செய்யப்படுகிறது. மாலை 4:00 மணிக்கு கோவில் திறக்கப்பட்டு, இரவு 8:00 மணி வரை தரிசனத்திற்கு பக்தர்கள் அனுமதிக்கப்படுவார்கள். இவ்வாறு, அவர் கூறினார்.

வேதபுரீஸ்வரர், வரதராஜப்பெருமாள் தேவஸ்தான நிர்வாகம் வெளியிட்டுள்ள அறிவிப்பு: வரும் 21ம் தேதி காலை 10:22 மணி முதல், மதியம் 1:42 மணி வரை சூரிய கிரகணம் நிகழ்கிறது. அதையொட்டி, அன்றைய தினம் காலை 7:00 மணி முதல், 11:00 மணி வரை பக்தர்கள் தரிசனம் கிடையாது. சூரிய கிரகணம் முடிந்த பின், சாந்தி பரிகார பூஜைகள் செய்து, மாலை 5:00 மணி முதல், இரவு 8:00 மணி வரை, பக்தர்கள் தரிசனத்திற்கு கோவில் திறந்திருக்கும்.இவ்வாறு, தேவஸ்தான நிர்வாகம் தெ ரிவித்துள்ளது.