திருப்பரங்குன்றம்: திருப்பரங்குன்றம் சுப்பிரமணிய சுவாமி கோயிலில் ஜூலை 24 நடக்க வேண்டிய ஆடிப்பூர திருவிழா ரத்து செய்யப்பட்டுள்ளது.

அன்று பக்தர்கள் அனுமதியின்றி அம்மன் கோயிலுக்குள் புறப்பாடு நடக்கும்.கொரோனா ஊரடங்கால் ஐந்து மாதங்களாக கோயில் நடை சாத்தப்பட்டு கால பூஜைகள் மட்டும் நடக்கிறது. பங்குனி, விசாகம் மற்றும் ஊஞ்சல் திருவிழாக்கள் ரத்தாயின. கோயிலுக்குள் சுவாமி புறப்பாடுகூட இல்லை. மதுரை மீனாட்சி அம்மன் கோயிலில் நடப்பது போல திருவிழா காலங்களில் பக்தர்கள் அனுமதியின்றி சுவாமி கோயிலுக்குள் புறப்பாடு நடத்த வேண்டும் என தினமலர் நாளிதழில் செய்தி வெளியானது.ஆடிப்பூரத்தன்று கோர்வர்த்தனாம்பிகை அம்மன் வீதி உலா ரத்து செய்யப்பட்டு, கோயிலுக்குள் திருவாட்சி மண்டபத்தில் அம்மன் புறப்பாடு நடக்கும் என துணை கமிஷனர் பொறுப்பு ராமசாமி தெரிவித்தார்.