மதுரை: யோக நரசிம்மர், ஹயக்கிரிவர் கோயிலில் ஸ்ரீயோக சனீஸ்வரர் சன்னதியில் சனிப்பெயர்ச்சி விழா சிறப்பாக நடைபெற்றது..

சனீஸ்வரர் ஒரு ராசியை கடக்க இரண்டரை ஆண்டு ஆகும். தற்போது தனுசு ராசியில் இருக்கும் சனி 2020 டிச.27 அதிகாலை 5:22 மணிக்கு மகர ராசிக்கு பெயர்ச்சியடைந்தார்.  2023 டிச.20 மாலை 5:23 மணி வரை மகர ராசியில் இருப்பார். இதற்கிடையில் 2023 மார்ச் 29 முதல் ஆக.24 வரை கும்ப ராசிக்கு முன்னோக்கி செல்கிறார். 2023 ஆக.24 டிச.20 வரை மகர ராசியில் இருப்பார். இன்று சனிப்பெயர்ச்சியை முன்னிட்டு, ஹயக்கிரிவர் கோயிலில் லட்சார்ச்சனை மற்றும் மகா யாகம் நடைபெற்றது. இன்று அதிகாலை 3 மணி முதல் பரிகார மகா யாகம் நடைபெற்று, 5:22 மணிக்கு மஹாபூர்ணாஹுதி முடிந்தது. மகாயாகத்தில் சனி பகவான் திருக்காட்சி அளித்து பக்தர்களுக்கு அருள்பாலித்தார். ஸ்ரீ நரசிம்மயா சாரிடபிள் டிரஸ்டு சார்பாக நடைபெற்ற விழாவில் ஏராளமான பக்தர்கள் கலந்து கொண்டு தரிசனம் செய்தனர்.