திருப்பரங்குன்றம் : திருப்பரங்குன்றம், திருநகர் கோயில்களில் மஹா சிவராத்திரியை முன்னிட்டு சிவபெருமானுக்கு விடிய, விடிய சிறப்பு அபிஷேகம், பூஜை, தீபாராதனைகள் நடந்தன.சுப்பிரமணிய சுவாமி கோயில் மூலஸ்தானத்தில் எழுந்தருளியுள்ள சத்திய கிரீஸ்வரருக்கு மாலை 5:30 மணி முதல் இரவு 12:30 மணி வரை நான்கு கால சிறப்பு பூஜை, அபிஷேகங்கள் நடந்தன. மலைக்குப்பின்புறம் எழுந்தருளிய பால் சுனை கண்ட சிவபெருமானுக்கு 5 கால பூஜை நடந்தது.சன்னதி தெரு சொக்கநாதர் கோயிலில் எழுந்தருளிய சிவபெருமானுக்கு இரண்டு கால பூஜை, அபிஷேகங்கள் நடந்தது. மலை மீதுள்ள காசி விஸ்வநாதர், கீழரத வீதியிலுள்ள அங்காள பரமேஸ்வரி சமேத குருநாத சுவாமிக்கு இரண்டு கால அபிஷேகம், பூஜை நடந்தது.விளாச்சேரி ஈஸ்வரன் கோயிலில் காசி விஸ்வநாதர் சமேத விசாலாட்சிக்கு சிறப்பு அபிஷேகம், பூஜை நடந்தது.திருநகர் சித்தி விநாயகர் கோயிலில் தனி சன்னதியில் எழுந்தருளியுள்ள காசி விஸ்வநாதருக்கு 5 கால பூஜை நடந்தது.