மூங்கில்துறைப்பட்டு : மூங்கில்துறைப்பட்டு பகுதியில் மாசி அமாவாசை முன்னிட்டு மயானகொள்ளை நிகழ்ச்சி நடந்தது.

மூங்கில்துறைப்பட்டு, இராவத்தநல்லுார், வடபொன்பரப்பி,மங்கலம் போன்ற பகுதிகளில் மயான கொள்ளை நிகழ்ச்சி நேற்று நடந்தது. மூங்கில்துறைப்பட்டு அங்காளம்மனுக்கு மாசி மாதம் சிவராத்திரி முன்னிட்டு நேற்று முன்தினம் இரவு 12 மணிக்கு அம்மனுக்கு சக்தி அழைக்கும் நிகழ்ச்சியும், இதனை தொடர்ந்து நேற்று மதியம் மூலவர் அம்மனுக்கு சிறப்பு அபிஷேகம் மற்றும் ஆராதணை நடந்தது. நேற்று முன்தினம் 1 மணிக்கு தென்பெண்ணை யாற்றில் மயான கொள்ளை நிகழ்ச்சியும் நடந்தது. அதேப்போல் ராவத்தநல்லுாரில் நடந்த மயானகொள்ளை நிகழ்ச்சியில் தேரோட்டமும், மயானத்தில் மயானக்கொள்ளை நிகழ்ச்சியும் நடந்தது.இரவு மூங்கில்துறைப்பட்டு, இராவத்த நல்லுார், வடபொன்பரப்பி,மங்கலம் ஆகிய கிராமங்களில் சுவாமி வீதி உலா நிகழ்ச்சியும் நடந்தது.இந்நிகழ்ச்சியில் திரளான பக்தர்கள் கலந்துக்கொண்டு சுவாமியை வழிப்பட்டனர்.