ஆனால் மன்மதன் எரிந்தது புஷ்பமாக இருந்தாலும் சாக்கிய நாயனாரின் மனப்பாங்கும் மன்மதனின் மனப்பாங்கும் வௌ;வேறு விதமாக இருந்தன. நாயனாருக்கு அனுக்ரஹம் மன்மதனுக்கு மரணம்.ஆகவே மனப்பான்மையே முக்கியமாகும். பார்வதி தேவியின் தவத்தினால் மகிழ்ந்த சிவபெருமான் அவளை மணந்து மூவுலகின் தாய தந்தையராக விளங்குகிறார். ஸ்ரீ மீனாஷி திருமண நிகழ்ச்சி சைவ வைணவ ஒற்றுமைக்கு எடுத்துக்காட்டாக விளங்குகிறது. மீனாஷி தேவியின் தந்தையாகிய மலையத்வஜ பாண்டியன் ஒரு பறக்கக்கூடிய சாதனம ; ஒன்றின் மூலம் தினசரி காசி சென்று கங்கையில் நீராடி வருவான் ஒரு நாள் அந்த சாதனம் பழுதாகி கீழே இறங்கி விடவே ஒரு வேடன் அந்த இடத்திலேயே கங்கை இருப்பதாகக்கூறி திருமாலிருஞ்சோலையில் உள்ள நூபுரகங்கையைக்காட்டி அதில் நீராடினால் கங்கையில் நீராடிய பயன் கிடைக்கும் என்று கூறினான். மன்னரும் அது முதல் அவ்வாறே செய்து வந்தான்.அதன் பின் தனது மனைவி காஞ்சனமாலையுடன் சேர்ந்து புரிந்த யாக குண்டத்தில் அம்பாள் ஒரு குழந்தையாகத் தோன்றினாள். 3 தனங்களுடன் தோன்றிய அக்குழந்தையைக்கண்டு தாயார் வருந்திய போது அவளது கணவன் அவள் முன் தோன்றும் போது 3வது தனம் மறைந்துவிடும் என்று அசரீரி கேட்டது. பின்பு மீனாஷி அரசியாக பட்டமேற்று திக்விஜயம் செய்கையில் சிவ பெருமானைக் கண்டதும் மூன்றாவது விகல்பம் மறைந்துவிட்டது. மீனாஷி வெட்கி தலை குனியவே பின்பு சிவ பெருமானுக்கு அழகர்மலை சுந்தரராஜர் தாரைவார்க்க திருமணம் நடை பெற்றது. முத்துசுவாமி தீஷிதர் சியாமா சாஸ்திரிகள் போன்ற மகான்களால் துதிக்கப்பட்ட அன்னை மீனாஷி அவர்களுக்கு முக்தி அளித்ததைப் போன்று நாமும் அவளைப்பணிந்து உய்வோமாக.

« முந்தைய

அடுத்து »