மேட்டுப்பாளையம்: மேட்டுப்பாளையம் பஸ் ஸ்டாண்ட் அருகே உள்ள, சக்தி விநாயகர் கோவிலில், வெள்ளியங்கிரி ஆண்டவர் கோவிலும், தேவி கருமாரியம்மன் கோவிலும் உள்ளன. இங்கு வெள்ளியங்கிரி ஆண்டவர் கோவிலின், 47 வது ஆண்டு விழாவும், தேவி கருமாரியம்மன் கோவிலின், 30 ஆண்டு அக்னி கம்பம் விழாவும் துவங்கியது.

கிராம சாந்தி, 5 ம் தேதி இரவும், 6 ம் தேதி காலையில் பூச்சாட்டு நிகழ்ச்சியும் நடந்தன. இரவு நடூர் விநாயகர் கோவிலில் இருந்து, கம்பம் எடுத்து வந்து தேவி கருமாரியம்மன் சன்னதியில் நட்டனர். இவ்விழாவில், 9 ம் தேதி சக்தி விநாயகருக்கு சிறப்பு அலங்கார பூஜையும், 13 ம் தேதி நடூர் மாரியம்மன் கோவிலில் இருந்து, தாரை தப்பட்டை முழங்க, திரிசூலம் எடுத்து வருதலும், அன்று சிவபெருமான், தேவி கருமாரியம்மன் அழைப்பு நடைபெற உள்ளது. அடுத்து, 14 ம் தேதி காலை, 7:00 மணிக்கு அம்மன் அலங்கார பூஜையும், மதியம் அன்னதானமும், மாலை, 4:00 மணிக்கு மாவிளக்கு பூஜையும் நடைபெற உள்ளது. 15 ம் தேதி மாலை, 4:00 மணிக்கு, கிரிமலைக்கு புறப்படுதலும், 16 ம் தேதி பூண்டி அடிவாரத்தில் அபிஷேக பூஜையும், அன்னதானமும் நடைபெற உள்ளது. மேட்டுப்பாளையம் வெள்ளியங்கிரி ஆண்டவர் பக்தர்கள் அறக்கட்டளை சார்பில், விழா ஏற்பாடுகளை செய்து வருகின்றனர்.