குன்னூர்: குன்னூர் அருவங்காட்டில், சேவாபாரதி மற்றும் சேவா கேந்திரம் சார்பில், எதிர்ப்பு சக்திக்கான ஆர்செனிக் ஆல்பம் மாத்திரைகள்1600 பேருக்கு வழங்கப்பட்டது.

கொரோனா பாதிப்பு அதிகரித்து வரும் நிலையில் எதிர்ப்புசக்திக்கு தேவையான ஊட்டச்சத்து மருந்துகளை சேவாபாரதி மற்றும் சேவா கேந்திரம் சார்பில், அருவங்காடு நுழைவாயில் முன்பு நடந்த நிகழ்ச்சியில் ஆர்சனிக் ஆல்பம் 30 சி. நோய் எதிர்ப்பு சக்தி மாத்திரைகள் வழங்கப்பட்டன. தொழிற்சாலை பணியாளர்கள், பேரூராட்சி முன் களப்பணியாளர்கள் காவல்துறையினர் மற்றும் அருவங்காடு சுற்றுப்புற பகுதி மக்கள் 1600 பேருக்கு வழங்கப்பட்டது. நிகழ்ச்சியில் வெடிமருந்து தொழிற்சாலை தலைமை மருத்துவர் ராஜேஷ் கோபால், ஜெகதளா பேரூராட்சி செயல் அலுவலர் நடராஜன் துவக்கி வைத்தனர். சுவாமி விவேகானந்தா சேவா சங்க தலைவர் காமராஜ், நிர்வாகிகள் வெங்கடேஸ்வரன் பிரகதீஸ்வரன், சேர்மராஜ், நிஷாந்த் ஆகியோர் வழங்கினர்.