அருமனை: பார்வதிபுரம் ஸ்ரீதரசுவாமி சன்னிதான செயலாளர் வெளியிட்டுள்ள அறிக்கை: கேரள மாநிலம் பொன்குந்நம் சிவசங்கரன் நாயர், பார்வதி அம்மாள் தம்பதியின் மகனாக 27.05.1941ல் ஸ்ரீதரசுவாமிகள் பிறந்தார். 1956ல் ஸ்ரீகுமகாராஜிடம் சீடராக சேர்ந்தார் . சமஸ்கிருதம், ஜோதிடம் கற்றார் . 80க்கும் மேற் பட்ட இந்துசமய நூல்கள், ஆத்மார்த்தம் என்ற தனது சுயசரிதை புத்தகம் எழுதினார். நாகர்கோவில் அருகே பார்வதிபுரத்தில் சுவாமிகள் ஸ்தாபித்த ஸ்ரீவனமாலீஸ்வரர் கோயில் உள்பட தமிழகம், கேரளாவில் உள்ள 18க்கும் மேற்பட்ட கோயில்களில் தந்திரியாக இருந்து வந்தார். தமிழகம், கேரளா உள்பட நாட்டின் பல மாநிலங்களில் ஏராளமானோர் இவரது சீடர்களாக உள்ளனர். கடந்த சில நாட்களுக்கு முன் உடல் நலக்குறைவு காரணமாக சென்னை திருவெற்றியூரில் உள்ள ஆகாஷ் ஆஸ்பத்திரியில் சிகிச்சைக்காக அனுமதித்தனர். அவர், கடந்த 30ம் தேதி சமாதி அடைந்தார். அன்னாரது இறுதி சடங்குகள் கேரள மாநிலத்தில் உள்ள அவரது சொந்த ஊரில் நடந்தது.