திருக்கோவிலூர்: திருக்கோவிலூர் உலகளந்த பெருமாள் கோவில்களில் தேகளீச பெருமாளுக்கு ஜேஷ்டாபிஷேக விழா நடந்தது.

திருக்கோவிலூர் உலகளந்த பெருமாள் கோவிலில் புஷ்பவல்லி தாயார் சமேத தேகளீசபெருமாள் ஜேஷ்டாபிஷேக விழாவை முன்னிட்டு அதிகாலை 5:00 மணிக்கு சுப்ரபாதம், 5:30 மணிக்கு நித்திய பூஜைகள், 8:00 மணிக்கு புஷ்பவல்லி தாயார், தேகளீசபெருமாள், மணவாள மாமுனிகள் கண்ணாடி அறையில் எழுந்தருளினர். மகா சாந்தி ஹோமம், மகாதிருமஞ்சனம், அலங்காரம், நாலாயிரதிவ்ய பிரபந்தம் பாசுரங்கள் பாடப்பெற்று சாற்றுமறை நடந்தது. தொடர்ந்து சுவாமிகள் ஆஸ்தானம் எழுந்தருளினர். ஜீயர் ஸ்ரீனிவாசராமானுஜாச்சாரியர் சுவாமிகள் தலைமையில் நடந்த நிகழ்ச்சியில் பக்தர்கள் யாருமின்றி, பட்டாச்சாரியார்கள் மட்டுமே பங்கேற்றனர்.