அம்பாசமுத்திரம்: அம்பாசமுத்திரம் சங்கரலிங்கசுவாமி கோயிலில் கூடுதல் சிசிடிவி கேமராக்கள், சைரன் பொருத்தி பாதுகாப்பு பலப்படுத்தப்பட்டுள்ளது. நெல்லை மாவட்டம் அம்பாசமுத்தி ரத்தில் இருந்து 1.5 கி.மீ., தூரத்தில் தாமிரபரணி நதிக்கரையோரம் பரிகார ஸ்தலமாக விளங்கி வரும் கோமதி அம்பாள் சமேத சங்கரலிங்கசுவாமி கோயில் உள்ளது. இக்கோயிலில், கடந்த மார்ச்16ம் தேதி 4 உண்டியல்கள் உடைக்கப்பட்டு, காணிக்கை பணம் கொள்ளைபோனது. கொள்ளையர்கள் சிசிடிவி கேமராஹார்டு டிஸ்கையும் எடுத்து சென்றனர். இதனையடுத்து, கோயிலில் புதிதாக பல்வேறு இடங்களில் சிசிடிவி கேமராக்கள் பொருத்தப்பட்டு, அதில் பதிவாகும் காட்சிகளை நேரிடையாக மொபைல் போன்களில் பார்க்கும் வசதி ஏற்படுத்தப்பட்டது. சைரன் அமைக்கப்பட்டது. இப்பணிகளை கோயில் அறங்காவலர் முருகசுவாமிநாதன் மற்றும் நிர்வாகிகள் பார்வையிட்டனர்.