சென்னை: புறநகரில் ஆண்டு வருமானம் அதிகரித்துள்ள 62 கோவில்களின் நிலை உயர்த்தி, அறநிலையத்துறை உத்தரவிட்டுள்ளது.ஹிந்து சமய அறநிலையத்துறை சட்டம் பிரிவின் கீழ், சென்னை இணைக் கமிஷனர் மண்டலம் 1, 2 ல் உள்ள 62 கோவில்களின் உதவித் தொகை நிர்ணய வருமானம், ஆண்டுக்கு 10 லட்சம் ரூபாய்க்கு அதிகமாக உள்ளது.அவற்றை அறநிலையத்துறை கமிஷனருக்கு அளிக்கப்பட்டுள்ள அதிகாரத்தின்படி நிலை உயர்வு செய்து, சட்டப்பிரிவு 46 - 3ன் கீழ் பட்டியலில் சேர்க்கப்பட்டுள்ளது.அதன்படி, திருவொற்றியூர் தட்சிணாமூர்த்தி கோவில், அண்ணாசாலை பச்சையம்மன் கோவில், செம்மஞ்சேரி ஸ்ரீநிவாச பெருமாள் கோவில், சைதாப்பேட்டை கடும்பாடி சின்னம்மன் கோவில், வேளச்சேரி தண்டீஸ்வரர், யோகநரசிம்மர் கோவில் உள்ளிட்ட 62 கோவில்கள் நிலை உயர்த்தப்பட்டுள்ளன.