ஆனைமலை: ஆனைமலை மாசாணியம்மன் கோவிலில், மூன்று நாட்கள் மாஸ் கிளீனிங் பணியில் பணியாளர்கள் ஈடுபட்டுள்ளனர்.தமிழகம் முழுவதிலும் ஆண்டுதோறும் ஆடிப்பெருக்கு அன்று, கோவில்களில் பெருங்கூட்டமாக பக்தர்கள் வருவது வழக்கம். இந்நிலையில், கொரோனா பரவலை தவிர்க்க, கடந்த, 1ம் தேதி முதல் மூன்று நாட்களுக்கு கோவில்களில் தரிசனத்துக்கு தடை விதிக்கப்பட்டுள்ளது.இந்த மூன்று நாட்களில், கோவில் வளாகங்களில் துாய்மை பணி மேற்கொள்ள உத்தரவிடப்பட்டுள்ளது. இதையடுத்து, நேற்று மாசாணியம்மன் கோவிலில் பணியாளர்கள் மாஸ் கிளீனிங் பணியை துவங்கினர். பக்தர்கள் கைகள் தொடும் இடங்களில், கிருமிநாசினி தெளித்து வருகின்றனர். கோவில் வளாகம் முழுவதிலும் குப்பை அகற்றி துாய்மை பணி மேற்கொள்ளப்பட்டுள்ளது.