சிவகங்கை: பாகனேரி புல்வநாயகி அம்மன் கோயிலுக்கு எஸ்பி.வி.எம்.,தியாகராஜன்– மாலதி தம்பதியினர் ரூ.1 கோடியில் செய்யப்பட்ட 100 கிலோ எடையிலான வெள்ளி ரதம் வழங்கினர். பாகனேரியை சேர்ந்த இவர் புல்வநாயகி அம்மன் கோயிலுக்கு வெள்ளி ரதம் வ ழங்குவதாக வேண்டுதல் வைத்தார். காரைக்குடி சிற்பி சேது தியாகராஜன் மூலம் பத்தேமுக்கால் அடி உயரத்தில் வெள்ளி ரதம் தயாரித்து கொடுத்தார். இந்த ரதம் புல்வநாயகி அம்மன் கோயில் உட்பிரகாரத்தில் மின்விளக்கு அலங்காரத்தில் வெள்ளோட்டம் நடந்தது. எஸ்பி.வி.எம்., தியாகராஜன் கூறியதாவது: நாங்கள் சேமித்து வைத்த ரூ.1 கோடியில் வெள்ளி ரதம் தயாரித்து வழங்கினோம். நாட்டரசன் கோட்டை கண்ணுடைய நாயகி கோயில் வெள்ளி ரத உற்­ஸவத்தை காணும் போதெல்லாம் பாகனேரிக்கும் செய்ய வேண்டும் என ஆசைப்பட்டு இந்த வெள்ளி ரதம் வழங்கி, புல்வநாயகி எனக்கிட்ட கட்டளையை நிறைவேற்றிய மகிழ்ச்சியில் உள்ளேன், என்றார்.