தேவகோட்டை: தேவகோட்டை சிலம்பணி சிதம்பர விநாயகர் கோயில், கலங்காது கண்ட விநாயகர் கோயில், கைலாசவிநாயகர் கோயில் , ஜெயங்கொண்ட விநாயகர் கோயில், சுந்தர விநாயகர் கோயில், கவரி விநாயகர் கோயில் உட்பட அனைத்து விநாயகர் கோயில்களிலும் சதுர்த்தியை சிறப்பு ஹோமங்கள் அதனைத் தொடர்ந்து சிறப்பு அபிஷேகங்கள் நடந்தன. சிறப்பு அலங்காரத்தில் பக்தர்களுக்கு அருள்பாலித்தனர். இந்து அறநிலையத்துறைக்கு சொந்தமான கோயில்களில் சிறப்பு பூஜை நடந்தாலும் பக்தர்களுக்கு அனுமதியில்லை. வெளியே இருந்து சுவாமி தரிசனம் செய்தனர். மற்ற கோயில்களில் பூஜையின்‌ போது தரிசனம் செய்தனர். திருமணவயல் தியான பீட மகா கணபதி கோயிலில் சிறப்பு ஹோமங்களை தொடர்ந்து சிறப்பு அலங்காரத்தில் அருள்பாலித்தார். வெளிமுத்தி விலக்கில் அட்சய மகா கணபதி கோயிலில் சிறப்பு பூஜைகள் நடந்தன.