காஞ்சிபுரம்: ஓரிக்கை மஹா சுவாமிகள் மணி மண்டபத்தில், காஞ்சி சங்கர மடத்தின் பீடாதிபதி விஜயேந்திர சரஸ்வதி சுவாமிகளை, கவர்னர் பன்வாரிலால் புரோஹித் சந்தித்து ஆசி பெற்றார். காஞ்சிபுரம் ஓரிக்கை மஹா சுவாமிகள் மணி மண்டபத்தில், காஞ்சி சங்கர மடத்தின் பீடாதிபதிவிஜயேந்திர சரஸ்வதி சுவாமிகள், தற்போது சாதுர்மாஸ்ய விரதம் மேற்கொண்டு வருகிறார். நேற்று காலை ௧௧:௦௦ மணிக்கு அவரை, தமிழக கவர்னர் பன்வாரிலால் புரோஹித் சந்தித்தார். மணி மண்டபத்தில் நடைபெற்ற பூஜையிலும் பங்கேற்றார். பின், விஜயேந்திர சரஸ்வதி சுவாமிகளுடன் தனியாக ஆலோசித்தார். தொடர்ந்து அவரிடம் ஆசி பெற்றதும், மதியம் 12:30 மணிக்கு மணி மண்டபத்தில் இருந்து புறப்பட்டு சென்றார்.ஜூலை மாதம், ஓரிக்கை மணி மண்டபத்தில், விஜயேந்திர சரஸ்வதி சுவாமிகளை பன்வாரிலால் புரோஹித் சந்தித்து ஆசி பெற்றார். விரைவில், பஞ்சாப் மாநில கவர்னராக பொறுப்பேற்க உள்ளதால், அங்கு செல்வதற்கு முன் ஆசி பெற வந்ததாக கூறப்படுகிறது.