தொண்டாமுத்தூர்: பேரூர் பட்டீஸ்வரர் கோவிலில் உள்ள யானையின் உடல் நலம் குறித்து ஆய்வு செய்யப்பட்டது. பேரூர் பட்டீஸ்வரர் கோவிலில், கல்யாணி என்ற யானை உள்ளது. இந்த யானையின் உடல் நலம் குறித்து, நேற்று ஒரு நாள் முழுவதும் ஆய்வு செய்யப்பட்டது. இதுகுறித்து கோவில் நிர்வாகத்தினர் கூறுகையில்,"தமிழகத்தில், ஹிந்து அறநிலையத்துறையின் கட்டுப்பாட்டின் கீழ் உள்ள கோவில் யானைகளின் உடல் நலம் குறித்து, யானை ஆராய்ச்சியாளர் டாக்டர் சிவகணேசன் ஆய்வு செய்து வருகிறார். பேரூர் பட்டீஸ்வரர் கோவிலில் உள்ள, கல்யாணி யானையின் உடல் நலம் குறித்து நேற்று ஆய்வு செய்யப்பட்டது. ஆய்வில், யானையின் தினசரி நடவடிக்கைகள், உணவு, உடல்நலம், பராமரிக்கும் முறைகள் குறித்து ஆய்வு செய்யப்பட்டது. கல்யாணி யானை குளிக்க, சவர் வசதி ஏற்படுத்தப்படவுள்ளது,"என்றனர்.