பொள்ளாச்சி; கோவை மாவட்டம், பொள்ளாச்சி டி.கோட்டாம்பட்டி கோதண்டராமர் கோவிலில் புரட்டாசி சனிக்கிழமையை முன்னிட்டு நேற்று சிறப்பு அபிஷேகம் அலங்கார பூஜைகள் நடந்தன. ஸ்ரீராமச்சந்திர மூர்த்தியும், சீதாதேவியும், ராமேஸ்வரம் ராமலிங்கம் பிரதிஷ்டை செய்து வழிபாடு செய்வது போன்று காட்சி அமைக்கப்பட்டு இருந்தது. தத்ரூபமாக அமைக்கப்பட்ட சுவாமி வழிபாட்டை பக்தர்கள் வழிபட்டனர்.நேற்று புரட்டாசி சனிக்கிழமை மற்றும் பிரதோஷம் என்பதால் சிவபெருமானை வழிபட்ட பலனும், ஒரு சேர பக்தர்களுக்கு கிடைக்கும் என கோவில் நிர்வாகிகள் இந்த ஏற்பாட்டை செய்திருந்தனர்.